اضحك....شوكت سيتو بوزاني

شكرا لك يا اخي على هذه النكه الحلوه مع تحيات بوزاني

ديمقراطي طب لمحل موبايلات كاله كاكا شنو اقوى موبايل؟كله سني اركسن,,كله زين اعلى صوت؟كله هم السني اركسن,,كله واحلى شكل؟كله احلى شي السني اركسن..طلع الديمقراطي ضايج فشاف صديقه كله شبيك؟كله ولله العراق خرب حتى الموبايلات صارت طائفيه اتصور موبايلات بس سني اركسن ماكو شيعي اركسن.

رجل ديني دا يعد بالانكليزي ... وان - توو - ثري - فور - فايف -استغفر الله – سكس.

بوش تعجب على العراقيين شلون تنتقل الإخبار عدهم بأسرع من البرق فسال احد الجنود الأمريكيين فقال له أن العراقيين عندهم شفرة أل - شكو ماكو عن طريقها يقدرون يتناقلون الأخبار بسرعة عجيبة فقرر بوش أن يزور العراق ويتنكر ويلبس دشداشة وعكال وعباية وراح يم محطة توزيع الغاز وسال احد العراقيين وقال له شكو ماكو؟ رد العراقي وقال والله مادري بس يكولون بوش بالعراق.


اكو اثنين اخوان شافوا حادث سير بساحة التحرير....

طلبوهم للمحكمه حتى يشهدون باللي شافوه. قال الاخ الاكبر للقاضي انا يا سيدي اكلك شنو اللي صار

- (راح وخر كل الاغراض اللي على ميز القاضي وحط عقاله بالنص وحط باكيت الجكاير يم العقال وخله بالقرب منهما جداحة ونزع حذائه وخلاه على حافة الميز ).

قله القاضي : شنو هذا

اجاب: العقال يا سيدي هاي الساحه.. وباكيت الجكاير سيارة هذا الرجال والجداحه سيارة الرجال الثاني شوف يا سييدي: باكيت الجكاير جان يم العقال يعني داخل الساحه اما الجداحه جانت جايه من خارج الساحه وضربت بباكيت الجكاير يعني سلامة فهمك الحق على الجداحه مو على باكيت الجكاير وبالتالي صاحب السياره ( الجداحه هو اللي عليه الحق)
قله القاضي : طيب فردتين القندره اللي على طرف الميز شنو هذول؟؟؟ قله هذوله انا واخويه جنا نتفرج على الحادث يا سيدي....